AGOIZKO INGURUTXOA
Ficha técnica
Cuándo
Dónde
Descripción
Agoizko Ingurutxoa bi momentutan dantzatzen da. Lehenik eta behin «Agoizko dantzak» izeneko dantza multzoa egiten denean, sanmigeletan, irailaren 29an. Dantza hauek Multzo horren barruan «gerrako dantzak» eta «bakearen dantzak» daude eta lehendabizikoak dantzatu eta gero, bigarrenen baitan Ingurutxoa dago. Azken hau dantzatzen da, bera bakarrik, herriko festetan, abuztuaren bigarren asteburuan.
Agoizko Ingurutxoa herriko jaien giroan dantzatzen da. Arratsaldero dantzaldia egiten da plazan txistulari eta gaiteroekin eta hor, Agoizko Txistulariek jota, ingurutxoa dantzatzen da. Ingurutxoa lau dantzek osatzen dute: ingurutxo izenekoa, jota, porrusalda eta biribilketa. Ingurutxoa dantza irekia da, edonork parte har dezake dantzan. Dantzatu, korro irekian egiten da dantzariak bi lerroetan daudelarik. Jota eta porrusalda, aldiz, korro itxian eta lerro bakar batean egiten dira.
Documentación asociada
Agoizko Dantzari Taldea (2018). Nuevas danzas de Aoiz. Dantzariak, nº63, pp. 120-138
Galería de videos
Galería de fotos
Indumentaria
Herriko festetan bakoitzak daramana, ez da jantzi berezirik. Sanmigeletan «Agoizko dantzetan» erabiltzen dena (Ikus Agoizko dantzak)
Música
Descripción histórica
Agoizko ingurutxoa dantza berria da eta bere ezarpena hasi besterik ez da egin. "Agoizko dantzak" izeneko dantza hauek Agoizko taldeak karrikaratu zituen, lehen aldiz, 2015ean. Dantza taldearen helburua Agoizko historia dantza batzuen bidez irudikatuko zuen zerbait egitea zen (Agoizko dantzariak, 2018). Horretarako, gertaera historiko bat baliatu zen: 1479an agramondarren eta beaumontarren artean Agoitzen sinatutako bakea, Nafarroako erresumako barne gerra bati amaiera eman ziona. Hori gogoratzeko, «Agoizko dantzak» edo «Agramontarren eta Beaumonten dantzak» asmatu ziren (izen honekin ere ezagutzen dira). Dantza horien bidez gerra eta bakea irudikatzen dira: gerrako dantzak eta bakearen dantzak. Bakearen dantza horien artean dago Agoizko Ingurutxoa.
Ingurutxoaren koreografia Agoizko Dantzari Taldeak sortu zuen eta dantzen musika Carlos Peñaranda musikariak.
Edonork parte har lezake festetan dantzatutako Ingurutxoan. Sanmigeletan, Agramondarren eta Beaumontarren dantzetan parte hartzen dutenak.
Transmisión y salvaguarda
Dantza taldearen barruan. «Agoizko dantzetan» taldekoaz aparte herriko jende aunitzek parte hartzen du. Dantzak irakasteko aurreko hilabetean entseguak egiten dira eta bertan irakasten dira dantzak, Ingurutxoa barne.